• Skip to primary navigation
  • Skip to main content
  • Skip to footer
  • #
  • Home
  • Digital Archive
  • Advertise with Us
  • About Us
  • Contact Us
  • April 19, 2021

Pinas USA

The Filipino's Global Newspaper

  • Cover Stories
  • National
  • Feature
  • Fil-Am
  • Foreign
  • Opinion
  • Sonspeak
  • Health
  • Lifestyle
  • Sports
  • Showbiz
  • Fun Page
You are here: Home / Sports / Carmelo Anthony: Pagsulong sa salungat na agos
Sports

Carmelo Anthony: Pagsulong sa salungat na agos

Eugene B. Flores7 months ago

SA sandaling kumontra ang takbo ng kapalaran sa ating buhay ay nararapat na bumalik sa prinsipyo at hangarin.

Ito ang naging hakbang ni NBA superstar Carmelo Anthony para sa kaniyang matagumpay na pagbabalik sa NBA.

Photo Credit: Rip City Project

BULUSOK PABABA

Bagama’t isa sa mga kinatatakutang manlalaro mula 2003 ay tila biglang naglaho ang karisma ni Anthony sa court at nabuhos sa kaniya ang sisi, hindi lamang ng koponan, maging sa mukhang inilalabas sa publiko.

Dahil dito ay naging papalit palit ang koponan ng 6’8” forward na si Anthony hanggang narating niya ang tila hangganan na ng kaniyang NBA career.

Taong 2018 ay tuluyan siyang nawalan ng koponang paglalaruan matapos i-waive ng Oklahoma City Thunder matapos lamang ang ilang laro.

Simula nito ay nabansagan na siyang ‘washed’ ng mga panatiko at maging mga eksperto. Laos na raw at hindi na bagay sa makabagong sistema ang noo’y 34-anyos na si Carmelo.

PAGTAKIP TENGA SA KRITIKO

Bagama’t inulan at pinagdudahan ng mga tao ay takip tengang naglakad pasulong si Anthony. Sa lugar kung saan ang agos ay taliwas sa patutunguhan ay patuloy niya itong binagtas kahit nagi-isa at walang nakakakita.

At kahit sa paminsan-minsang paglalabas ng kaniyang training ay mas marami pa rin ang nangungutya sa 10-time NBA All-Star.

Kilala si Carmelo Anthony bilang isang scorer. Siya ang pangunahing pambato ng kaniyang koponan tulad ng Denver Nuggets at New York Knicks.

Ngunit kalaunan ay tila naging problema ang kaniyang istilo dahil madalas tumatagal sa kamay nito ang bola imbes na maiikot sa kasama.

Naging basehan ng mga eksperto at kritiko ang ball movement ng Golden State Warriors matapos maging matagumpay ng ilang taon.

Dahil dito ay nagmukhang balakid pa si Carmelo Anthony at dahil sa edad ay inakala na ng marami na nawawala na ang galawan nito. Bagamat maging ganoon ang kinahantungan, nagbingi-bingihin pa rin si Anthony at patuloy na naniwala sa sariling kakayahan.

PAGBABALIK

Inabot ng isang taon ay tahimik na naghihintay si Anthony. At ang pilay na koponan ng Portland Trail Blazers ang muling nagbukas ng pinto para rito.

Bukod sa oportunidad ay tiwala ang binigay ng Blazers para sa 35 anyos na manlalaro.

Kasama ang superstar na si Damian Lillard, pinatunayan ni Anthony na hindi pa siya laos at muling inagaw ang puso ng mga panatiko.

Sa kanyang pagbabalik sa ika-17 season sa liga, um-average ito ng 15.4 points at 6.3 rebounds, hamak na mas mataas sa inaasahan ng mga kritiko.

Naging kritikal ang pagdagdag ni Blazers kay Anthony upang makuha ang ika-walong spot sa NBA playoffs.

Bagamat nabigong talunin ang Los Angeles Lakers sa unang round ng playoffs ay hinangaan ng buong mundo ang koponan lalo na si Anthony na napatunayang mali ang sinasabi ng marami.

Ang noo’y kinukutya ay naging inspirasyon para sa mga nagnanais balikan ang pangarap.

Hindi hadlang ang edad at pagbagsak upang hindi muling sumubok at tumaya.  Ito ang aral na ipinakita ni Anthony sa kaniyang napakamemorableng pagbabalik sa ligang kaniyang pinangarap simula pagkabata.

Photo Credit: NBA

AKTIBISTA SA LOOB AT LABAS NG COURT

Bukod sa kaniyang ambag sa larangan ng palakasan ay mahusay ding ginagamit ni Anthony ang kaniyang kinatatayuan upang maiparinig at ipaglaban ang mga problema sa lipunan.

Nariyan ang kaniyang pakikibaka para sa racial justice dahil sa mga enkwentrong nangyayari sa Amerika. Hindi lamang ito para sa bansa ngunit sa buong mundong nakararanas ng parehas na sitwasyon.

Nararapat lamang na gamitin ang impluwensiya sa mga layuning mas magpapabuti sa lipunan hindi lamang sa kasalukuyan, maging sa hinaharap. Ang paggamit ng boses ay isang karapatan ng lahat ngunit hindi lahat ay may lakas ng loob upang gamitin ito. Ang pagtindig para sa mga walang boses ay isang bayaning aksyon sapagkat ito rin ang ginawa ng ating mga bayani hanggang makamit nila ang ating kalayaan.

PLANO SA HINAHARAP

Hindi pa rin tiyak ang hinaharap ni Carmelo Anthony para sa liga sapagkat isang taon lamang ang kontrata niya sa Blazers. Naglabas ito ng saloobin na ninanais niyang bumalik at tingin niya’y ito na ang kaniyang magiging tahanan dahil sa pagtanggap sa kaniya, hindi lamang ang organisasyon at koponan, maging ang mga fan na tiwalang meron pa rin siyang gilas at nararapat pa rin siyang maglaro sa NBA.

Ang sigurado lamang ay patuloy siyang magiging inspirasyon sa marami at mananatili siyang totoo sa sarili. Hango nga sa kaniyang paboritong parilala, “stay Melo.”

Kung sakali mang huling season na niya ito, karapat-dapat pa rin siyang mapabilang sa Hall of Fame ng NBA.

Narito ang ilan niyang naabot na milestone sa liga:

10-time All-Star

NBA Scoring Champion

Three-time Olympic Gold Medallist

At sandamakmak na tulong sa pamayanan.

Sports NBA

SUBSCRIBE TO PINAS USA — THE FILIPINO’S GLOBAL NEWSPAPER

To receive a digital copy of new PINAS USA issues, enter your name and email address below and click on the Subscribe button.

Latest News

Bakuna kontra COVID-19, nandito na
Quincy Joel V. Cahilig 1 month ago
Pagsumite ng authentication ng mga dokumento sa DFA, maari na sa online
Vic Tahud 1 month ago
Catching up with Ms. Lorli Villanueva
Editorial Team 1 month ago
Taiwan, maaaring sakupin ng China sa susunod na 6 na taon
Kriztell Austria 1 month ago
Pangalagaan at palakasin ang iyong isipan at mentalidad
Jane Trinidad 1 month ago
Optismitikong partner sa buhay, nakatutulong sa kalusugan ng katipan
Jonnalyn Cortez 1 month ago
Pangungutang ng ABS-CBN sa DBP, pasok sa plunder law — Rep. Defensor
Vhal Divinagracia 1 month ago
From exile to the halls of power
Perry Diaz 1 month ago
Misamis Oriental, nakatanggap ng 2-M ayuda para sa mga apektado ng ASF
Vic Tahud 1 month ago
TV host Piers Morgan, tuluyan nang umalis sa Good Morning Britain
Claire Hecita 1 month ago
The Absolute Glorification (Part 6)
Pastor Apollo C. Quiboloy 1 month ago
Yuka Saso, itinanghal bilang Athlete of the Year
Luis James 1 month ago

Thoughts? Add a comment below

Footer

PINAS USA - The Filipino's Global Newspaper
Address: 14533 Vanowen St., Suite B, Van Nuys, CA 91405
Phone: (909) 534-5465
Email: [email protected]

Quick Links

  • About Pinas USA
  • Advertise with Us
  • Digital Archive
  • Contact Us
  • Terms of Use and Privacy Policy

News Categories

  • Cover Stories
  • Feature
  • Fil-Am News
  • Foreign
  • Fun Page
  • Health
  • Lifestyle
  • National
  • Opinion
  • Showbiz
  • Sonspeak
  • Sports

News Archives

  • March 2021
  • February 2021
  • January 2021
  • December 2020
  • November 2020
  • October 2020
  • September 2020
  • March 2020
  • February 2020

Tags

2021 Budget Anti-Terrorism COVID-19 CPP-NPA-NDF DENR Department of Agriculture Disaster Response DOH DOJ DOLE Donald Trump DOT DOTr DPWH DSWD DTI Dubai Duterte Administration Economy FDA Good Vibes IATF Japan Joe Biden Leni Robredo LGU LTO Metro News NAIA NBA NDRRMC OFW PBA PhilHealth Philippines Tourism PNP Provincial News PRRD South China Sulu Twin Bombings Technology Thailand United Kingdom West Philippine Sea WHO

Copyright © 2021 · Pinas USA — The Filipino's Global Newspaper · All Rights Reserved · Website Developed by NorthZen Media